पाचोरा (विशेष/प्रतिनिधी✍️):
(नगरदेवळा दर्पण मराठी लाईव्ह न्युज):.
पाचोरा येथील सार्वजनिक ठिकाणी उघड्यावर मद्यप्राशन करून शांतता व सुव्यवस्थेला बाधा निर्माण करणाऱ्यांविरोधात पाचोरा पोलिसांनी आता कंबर कसली आहे. नवीन पोलीस अधीक्षक श्रीकांत धिवरे यांच्या मार्गदर्शनाखाली पाचोरा पोलीस स्टेशनचे पोलीस निरीक्षक राहुल कुमार पवार यांनी धडक कारवाई करत तब्बल २५ तळीरामांना ताब्यात घेतले आहे.
या कारवाईमुळे सार्वजनिक ठिकाणी मद्यपान करणाऱ्यांचे धाबे दणाणले आहेत.नेमकी कारवाई काय?शहरातील काही विशिष्ट भागात, तसेच मुख्य रस्त्यांच्या कडेला आणि निर्जन स्थळी उघड्यावर मद्य पिण्याचे प्रमाण वाढले असल्याच्या तक्रारी प्राप्त होत होत्या. या पार्श्वभूमीवर, पोलीस अधीक्षक श्रीकांत धिवरे यांनी दिलेल्या कडक सूचनांनुसार पाचोरा पोलिसांनी शहरात विविध ठिकाणी अचानक ‘फिल्डिंग’ लावली.पोलीस निरीक्षक राहुल कुमार पवार यांच्या नेतृत्वाखालील पथकाने सायंकाळच्या सुमारास शहरातील वेगवेगळ्या हॉटेलचे आडोसे, अंधाराचा फायदा घेणारी ठिकाणे आणि मोकळ्या मैदानात धाडी टाकल्या.
यावेळी सार्वजनिक ठिकाणी मद्यप्राशन करताना आढळलेल्या २५ जणांना पोलिसांनी ताब्यात घेऊन त्यांच्यावर कायदेशीर कारवाई केली आहे.पोलिसांचा इशारासार्वजनिक ठिकाणी मद्यपान केल्यामुळे सामान्य नागरिकांना, महिलांना आणि येणाऱ्या-जाणाऱ्यांना मोठ्या प्रमाणावर त्रास सहन करावा लागतो. अशा प्रकारची कृत्ये खपवून घेतली जाणार नाहीत, असा स्पष्ट इशारा पोलीस निरीक्षक राहुल कुमार पवार यांनी दिला आहे.
आगामी काळातही ही मोहीम अशीच तीव्रपणे राबवण्यात येणार असल्याचे त्यांनी सांगितले.पोलिसांच्या या धडक कारवाईचे शहरातील सुज्ञ नागरिकांकडून स्वागत केले जात असून, अशा कारवायांमुळे गुन्हेगारीला लगाम बसेल अशी आशा व्यक्त केली जात आहे.
नगरदेवळा दर्पण मराठी Live न्यूज 