नगरदेवळा येथील पोलीस कॉन्स्टेबल दिनेश महादू पाटील यांना ‘जीवन रक्षक’ पुरस्काराने सन्मानित

शौर्य आणि कर्तव्यदक्षतेचा गौरव:-

पोलीस कॉन्स्टेबल दिनेश पाटील यांनी आपल्या सेवेदरम्यान दाखवलेली तत्परता, माणुसकी आणि संकटकाळी नागरिकांचे प्राण वाचवण्यासाठी केलेली धडपड लक्षात घेऊन या पुरस्कारासाठी त्यांची निवड करण्यात आली होती. पोलीस अधीक्षक श्रीकांत धिवरे यांनी दिनेश पाटील यांच्या कार्याचे कौतुक करताना, त्यांच्यासारखे अधिकारी पोलीस दलाची प्रतिमा उंचावत असल्याचे गौरवोद्गार काढले.

परिसरामध्ये आनंदाचे वातावरण:-

दिनेश पाटील यांना मिळालेल्या या सन्मानामुळे नगरदेवळा परिसरात आणि पोलीस वर्तुळात आनंदाचे वातावरण आहे. त्यांच्या या यशाचे सर्वस्तरातून स्वागत होत असून, मित्रपरिवार, वरिष्ठ अधिकारी आणि नागरिकांनी त्यांच्यावर अभिनंदनाचा वर्षाव केला आहे.

दिनेश पाटील यांच्या या कामगिरीमुळे पोलीस दलातील कर्तव्यदक्ष अधिकारी व कर्मचाऱ्यांमध्ये एक सकारात्मक ऊर्जा निर्माण झाली असून, त्यांना या पुढील वाटचालीस अनेकांनी शुभेच्छा दिल्या आहेत.दिनेश पाटील यांच्या या विशेष कामगिरीबद्दल आणि सन्मानाबद्दल तुमचे मनःपूर्वक अभिनंदन!