नगरदेवळा येथे डॉ. बाबासाहेब आंबेडकर जयंती उत्साहात साजरी; माजी ग्रामपंचायत सदस्य अन्सार शेख उर्फ अन्नू मेंबर यांच्याकडून अभिवादन

भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांची १३५ वी जयंती नगरदेवळा येथे मोठ्या उत्साहात साजरी करण्यात आली. या निमित्ताने गावातील विविध सामाजिक आणि राजकीय क्षेत्रातील मान्यवरांनी बाबासाहेबांच्या प्रतिमेस अभिवादन केले.पुष्पहार अर्पण करून केले अभिवादन

नगरदेवळा ग्रामपंचायतीचे माजी सदस्य अन्सार शेख (उर्फ अन्नू मेंबर) यांनी आपल्या कार्यकर्त्यांसह डॉ. बाबासाहेब आंबेडकर यांच्या प्रतिमेला पुष्पहार अर्पण करून विनम्र अभिवादन केले. यावेळी बोलताना अन्सार शेख यांनी बाबासाहेबांच्या विचारांची आणि त्यांनी दिलेल्या संविधानाची आजच्या काळात असलेली गरज अधोरेखित केली.

उपस्थिती मान्यवर: या प्रसंगी, अन्सार शेख , अभिजीत पवार, पत्रकार फारुक शेख, नवल बागुल, निसार खान, सलीम शाह, शाकीर मदारी, आणि गावातील तरुण कार्यकर्ते मोठ्या संख्येने उपस्थित होते. “बाबासाहेबांचे कार्य हे कोणत्याही एका जातीपुरते मर्यादित नसून ते संपूर्ण मानवजातीसाठी प्रेरणादायी आहे,” अशा भावना यावेळी व्यक्त करण्यात आल्या.कार्यक्रमाच्या शेवटी उपस्थितांनी बाबासाहेबांच्या जयघोषाने परिसर दणाणून सोडला होता.