आखातवाडा शिवारात शेतकऱ्याला मोठा फटका; तीन गायींची दिवसाढवळ्या चोरी

संपादक हसीबुर शेख ✍️

नगरदेवळा दर्पण मराठी लाईव्ह न्युज

नगरदेवळा येथील रहिवासी उत्तमसिंह फकिरासिंग परदेसी यांच्या शेतीतून तीन गायी चोरीला गेल्याची धक्कादायक घटना समोर आली आहे. या घटनेमुळे परिसरात एकच खळबळ उडाली असून, शेतकऱ्यांचे मोठे आर्थिक नुकसान झाले आहे.

मिळालेल्या माहितीनुसार, उत्तमसिंह परदेसी यांची नगरदेवळा येथील अखतवाडा शिवारात शेती आहे (गट नंबर ६३). नेहमीप्रमाणे ते आपल्या पशुधनाची निगा राखत असताना, ८ जून २०२६ रोजी सकाळच्या सुमारास त्यांच्या शेतातील तीन गायी अज्ञात चोरट्यांनी लंपास केल्या.

चोरीला गेलेल्या या तीनही गायींची अंदाजे किंमत ९५ हजार रुपये इतकी आहे. अचानक घडलेल्या या चोरीच्या प्रकारामुळे परदेसी कुटुंब हवालदिल झाले असून, त्यांच्या उपजीविकेचे साधनच हिरावले गेले आहे.

पोलिसांत तक्रार दाखल करण्याची तयारी
दिवसाढवळ्या घडलेल्या या चोरीच्या घटनेमुळे स्थानिक शेतकऱ्यांमध्ये भीतीचे वातावरण निर्माण झाले आहे. या प्रकरणी संबंधित पोलीस ठाण्यात गुन्हा दाखल करण्याची प्रक्रिया सुरू असून, चोरट्यांचा शोध घेण्यासाठी परिसरातील सीसीटीव्ही फुटेज आणि इतर पुराव्यांची तपासणी होण्याची मागणी शेतकऱ्यांकडून केली जात आहे.
टीप: अशा प्रकारच्या घटना वाढू नयेत, यासाठी गावकरी आणि प्रशासनाने सतर्क राहणे गरजेचे आहे. या घटनेच्या सविस्तर तपासातून चोरटे लवकरच गजाआड होतील, अशी अपेक्षा व्यक्त केली जात आहे.