(संपादक हसीबुर शेख ✍️):-
📞९३०७५९९९८३
(नगरदेवळा दर्पण मराठी लाईव्ह न्युज):-
आगामी मान्सूनच्या पार्श्वभूमीवर शहरात पाणी तुंबणे, सांडपाण्याचा अडथळा आणि संभाव्य पूरस्थिती टाळण्यासाठी भडगाव नगरपरिषदेने कंबर कसली आहे. दिनांक २० मे पासून संपूर्ण शहरात नियोजनबद्ध पद्धतीने ‘मान्सूनपूर्व नाले व ड्रेनेज सफाई अभियान’ अत्यंत आक्रमकपणे सुरू करण्यात आले आहे. या मोहिमेमुळे पावसाळ्यात भडगावकरांना दिलासा मिळणार असून नगरपरिषदेच्या या तत्परतेचे नागरिकांमधून कौतुक होत आहे.
बाळद रोडपासून मोहिमेचा ‘धडाका’ सुरू!
या अभियानाची सुरुवात बाळद रोड परिसरापासून करण्यात आली आहे. येथे ड्रेनेज सफाईसोबतच रस्त्याच्या दुतर्फा वाढलेले गवत, झाडे-झुडपे आणि मातीचे ढिगारे जेसीबीच्या (JCB) साहाय्याने युद्धपातळीवर हटवले जात आहेत. मागील वर्षीचा पावसाळ्यातील अनुभव लक्षात घेऊन, यंदा कुठेही पाणी साचणार नाही अशा कडक सूचना प्रशासनाने दिल्या आहेत.
३ जूनपर्यंत ‘नॉन-स्टॉप’ स्वच्छता: जाहीर झाले वेळापत्रक
येत्या १५ ते २० दिवसांत जेसीबी आणि मनुष्यबळाचा पूर्ण वापर करून शहर चकाचक केले जाणार आहे. २० मे ते ३ जून दरम्यान चालणाऱ्या या मोहिमेसाठी खालील भागांचे विशेष वेळापत्रक निश्चित करण्यात आले आहे:
- प्रमुख भाग: बाळद रोड दुतर्फा ड्रेनेज, तळणी ते बाळद रोड, जयकिसान कॉलनी, दत्तनगर परिसर.
- मोरी व वसाहती: भगीरथ किराणा जवळील काँक्रीट मोरी, जयहिंद कॉलनी, शिवशक्ती कॉलनी, पोलीस लाईन, एच कॉलनी.
- मुख्य रस्ते व संस्था परिसर: शिवनेरी गेट ते सिव्हील हॉस्पिटल, गणपती मंदिर ते सिव्हील हॉस्पिटल, आदर्श कन्या शाळा परिसर, न्यायालय परिसर, भागवत कॉलनी व मुख्य रस्ते.
- मोठे नाले (मुख्य विसर्ग): कोल्हा नाला, ग्रीन पार्क कॉलनी नाला, टोनगाव नाला, यशवंत नगर नाला.
🤝 लोकप्रतिनिधी आणि प्रशासनाचा ‘कडक’ समन्वय
हे महाअभियान लोकनियुक्त नगराध्यक्षा सौ. रेखा प्रदीप मालचे यांच्या मार्गदर्शनाखाली आणि उपाध्यक्ष श्री. राजेंद्र महादू पाटील, गटनेते श्री. लखीचंद पाटील, आरोग्य सभापती इम्रान अली सय्यद यांच्या थेट सहकार्याने राबवले जात आहे.
स्थानिक पातळीवर प्रभाग क्र. ८ च्या नगरसेविका सौ. समीक्षा लखीचंद पाटील व नगरसेवक श्री. अमोल नाना पाटील, प्रभाग ९ च्या नगरसेविका सौ. वैशाली विशाल पाटील व नगरसेवक श्री. विजयकुमार भोसले, प्रभाग १० च्या नगरसेविका सौ. ज्योती जितेंद्र पाटील आणि सामाजिक कार्यकर्ते श्री. सौरभ राजेंद्र पाटील यांनी एकत्र येत सविस्तर चर्चा केली. त्यानुसार आरोग्य विभागाचे इंजिनिअर सत्यम पाटील, श्रीमती निशा लोट आणि क्लर्क छोटू वैद्य यांनी प्रभागनिहाय अचूक सफाई आराखडा (ॲक्शन प्लॅन) तयार करून त्याची तात्काळ अंमलबजावणी सुरू केली आहे.
📍 उर्वरित प्रभागांचेही नियोजन सुरू:
शहरातील इतर प्रभागांमध्येही स्थानिक लोकप्रतिनिधींशी समन्वय साधून पावसाळ्यातील अडचणींचे निवारण करण्यासाठी सफाईचे नियोजन युद्धपातळीवर केले जात आहे.
👍 नागरिकांमधून समाधान!
शहरातील मोठे पाण्याचा विसर्ग होणारे मार्ग आणि मुख्य नाले साफ होत असल्याने भडगावच्या नागरिकांनी सुटकेचा श्वास सोडला आहे. पावसाळ्यातील संभाव्य आपत्ती आणि आजारपणं टाळण्यासाठी नगरपरिषदेने घेतलेला हा निर्णय आणि प्रत्यक्ष मैदानात सुरू असलेले काम पाहून नागरिकांमधून समाधान व्यक्त होत आहे.
नगरदेवळा दर्पण मराठी Live न्यूज 