लोकशाहीच्या मुळाशी असलेल्या मतदार यादीला अधिक पारदर्शक, अचूक आणि विश्वासार्ह बनवण्यासाठी भारत निवडणूक आयोगाने विशेष सखोल पुनरीक्षण (SIR) कार्यक्रमाची रणधुमाळी सुरू केली आहे. या व्यापक मोहिमेच्या पूर्वतयारीचा भाग म्हणून जानेवारी २०२६ पासून पाचोरा विधानसभा मतदारसंघात Person To Person Mapping आणि Progeny Mapping या दोन महत्त्वाच्या टप्प्यांची अंमलबजावणी सुरू करण्यात आली आहे.या मोहिमेत सध्याच्या मतदार यादीतील नावे सन २००२ च्या मतदार यादीशी जुळवून पाहिली जाणार असून, ज्या मतदारांची नावे त्या यादीत थेट आढळत नाहीत, त्यांची रक्त-नातेसंबंधाच्या आधारे नोंदणी पडताळली जाणार आहे.

यामुळे बोगस, दुबार किंवा अयोग्य नोंदी हद्दपार होऊन मतदार यादी अधिक शुद्ध व सक्षम होणार आहे.या प्रक्रियेचा भाग म्हणून मतदान केंद्रस्तरीय अधिकारी (B.L.O.) मतदारांच्या घरोघरी भेटी देत आवश्यक कागदपत्रांची पडताळणी करणार आहेत. त्यामुळे नागरिकांनी कोणताही संशय न बाळगता B.L.O. अधिकाऱ्यांना सहकार्य करावे, आवश्यक कागदपत्रांच्या छायाप्रती उपलब्ध करून द्याव्यात, असे आवाहन मतदार नोंदणी अधिकारी तथा उपविभागीय अधिकारी, पाचोरा भाग पाचोरा यांनी केले आहे.लोकशाही मजबूत करायची असेल, तर मतदार यादी निर्दोष असलीच पाहिजे—या भूमिकेतून राबवली जाणारी ही मोहीम पाचोऱ्यात लोकसहभागाच्या जोरावर यशस्वी होईल, असा विश्वास प्रशासनाने व्यक्त केला आहे.

माझी प्रगती न्यूज (संपादक)

हसीबुर शेख नगरदेवळा

पाचोरा: नगरपरिषद प्रभाग क्र. ७ चे नवनिर्वाचित नगरसेवक आदरणीय आयु. प्रवीणभाऊ ब्राह्मणे यांची नगरपरिषदेच्या शिक्षण सभापतीपदी निवड करण्यात आली आहे. त्यांच्या या निवडीमुळे शहरातील शिक्षण क्षेत्राला नवी दिशा मिळणार असल्याची अपेक्षा व्यक्त केली जात आहे.शिक्षण क्षेत्राशी संबंधित विविध समस्या, शाळांच्या मूलभूत सुविधा, विद्यार्थ्यांच्या शैक्षणिक गुणवत्तेत वाढ तसेच शिक्षक व पालकांशी समन्वय साधत सकारात्मक निर्णय घेण्यावर भर देण्याचा मानस त्यांनी व्यक्त केला आहे.या निवडीबद्दल पाचोरा शहरातील नागरिक, सहकारी नगरसेवक, शिक्षकवर्ग तसेच समर्थकांकडून आयु. प्रवीणभाऊ ब्राह्मणे यांच्यावर अभिनंदनाचा वर्षाव होत असून त्यांच्या भावी कार्यकाळासाठी सर्वत्र शुभेच्छा दिल्या जात आहेत